حكاوي ..1

أحلف بسماها و بترابها ..

أحلف بالحزب إلي خربها ..

أحلف بالأمن المستنطع ..

و بوقت حياتي المستقطع ..

بالناس إلي ماهيش في الدنيا ..

ماتشوفوا لا نور ولا حرية ..

و انتم راضيين بالعبودية ..

*-*-*-*-*-*-*-*-*-*-*-*-*-*-*

ماتحاسبونيش ..

لو حبيت بعد فراقها بـ مفيش ..

الحب عندي مالوش حداد ..

وتنكيس علم .. و لا وقت جيش

أعمل إيه

لازم أحب عشان أعيش ..

*-*-*-*-*-*-*-*-*-*-*-*-*-*-*

بتحب ناس أكتر مابتحب نفسك ..

و تساعد ناس أكتر مابتساعد نفسك ..

و مرة وحدة تلاقي نفسك ..

لا كسبتهم ..ولا حتى كسبت نفسك ..

*-*-*-*-*-*-*-*-*-*-*-*-*-*-*

صاحبك و معاك كل يوم ..

وكل ثانية ..

و التاني صاحبك ..

و معاك كل يوم ..وكل ثانية ..

شافو بعض .. عرفتهم ..

و كلمة والتانية ..

مشيوا سوا ..

وسابوك تهاتي في دنيا تانية ..

*-*-*-*-*-*-*-*-*-*-*-*-*-*-*

حبتها ..

و ادتها عمري و روحي ..

و لاقصرت..

و سابتني ..

و اسمها .. منحوت في قلبي نحت ..

و بقيت ماشي وسط الناس ميت ..

زي بوكيه الورد ..

جميل و متزوق ..

وشايل إسم إلي قتله في كرت ..

*-*-*-*-*-*-*-*-*-*-*-*-*-*-*

قالتلي بحبك ..

و هفضل أحبك ..

طول ما أنا حية ..

قلتلها ليكي عمري ..

أموت أنا ..

و تفضلي حية ..

و شوية شوية ..

ملقتهاش ..!!

و لقيت حروف إسمي ممحية ..

بنده عليها ..

قالت خلص دورك ..

خلصت يا سيدي المسرحية ..

*-*-*-*-*-*-*-*-*-*-*-*-*-*-*

في دولاب الناس ..

كان قدامي 100 أو ميتين ..

قالولي إختار ..

قلت كفاية علي اتنين ..

و اخترتهم ..

و جريت سنة .. و سنتين ..

ببص فيهم ..

طلعت اخترت الميتين ..

أحمد عبدالسلام .. أوقات مختلفة .. و مش فكرها :)