لولاكي أنتي

أشكركِ ..
ما كنت لأقدرها حقا .. لولاكي أنتي ..
ما كنت سأدرك رقتها .. لولاكي أنتي  

لولاكي ما كنت لأعلم ..
أنها قد كانت أسطوره ..
تعويذة حب ما وردت ..
في كتب السحر المسطوره ..
أما وخليلا وصديقا ..
وحبيبا في نـفـس الصوره ..
لولاكي ما كنت لأعلم ..
مرءاتي كانت مكسوره ..

لولاكي ما كنت لأعلم ..
أنها قد كانت مفتاحا ..
للقلب يصعب تقليده ..
كانت لي بيتا من شعر ..
كانت أغنية وقصيده ..
كانت هي مصدر إيماني ..
وفقه القلب وتوحيده ..
لولاكي ما كنت لأعلم ..
كم خابت مني التسديده ..

لولاكي ما كنت لأعلم ..
أنها كانت أخر مَلَكٍ ..
يمشي في الأرض كإنسان ..
أخر معركة انهزمت فيها الأحزان ..
أخر جوهرة في الأرض ..
وأخر كنز لسليمان ..
لولاكي ما كنت لأعلم ..
أني أخطأت العنوان ..

لولاكي ما كنت لأعلم

  .. أنها ليست أنت

اليوم فقط

منذ رأيتها .. وحتى الأمس ..
تعلمت كيف أقضي الليل ..
أحصي النجمات ..
تعلمت كيف يمر الوقت ..
ولا أسأل نفسي كم فات ..
تعلمت كيف أمحو الحزن ..
بآلاف الضحكات ..
تعلمت كيف أجد حباً ..
يفوق حب الذات ..

واليوم فقط ..

تعلمت كيف ينقلب النهار ..
بحراً من الظلمات ..
تعلمت كيف تنقلب الثواني ..
شهوراً وسنوات ..
تعلمت كيف يموت وجهي ..
وتمحى منه القسمات ..

اليوم فقط .. تَكَلَمَت ..
وعلمت كيف يكون الاعدام ..
رمياً بالكلمات ..

لغة الصمت

منذ نعومة أظفاري ..
علمني أساطين الكلام من حولي ..
لغة الصمت ..
أمموا لساني ..
أصبح لا يقول إلا ما يريدون ..
ثم أصبح لا يقول شيئا ..
لا ما يريدون .. ولا مالا يريدون ..
مات .. وعليه ترحمت ..
أصبحت أضحك في صمت
وأبكي في صمت ..
وأغضب في صمت ..
وأتعاطى الألم في صمت ..
وعندما جننت ..
وتخطيت حدودي وأحببت ..
تركتني حبيبتي في صمت ..
لا لشيء ..
سوى أني ..
أحب في صمت ..
عندها ثرت ..
طالبت بالكلام ..
طالبت بحبيبة الأحلام ..
وعادت حبيبتي ..
وتكلمت .. وتكلمت ..
ثم تركتني حبيبتي ثانية في صمت ..
لا لشيء .. سوى أني تكلمت ..
وعندها علمت ..
أني عندما تعلمت ..
لم أتعلم الكلام ..
وتعلمت فقط ..
لغة الصمت ..

كش مات

كش مات ..
وماتحاولش تلتفت ...
مش راح يفيد الالتفات ..
لعبت زي العادة وحدك ..
مااستنتش الامدادات ..
ماسألتش ابدا حد قبلك ..
ازاي وقع وفي لحظة مات ..

ماسألتش ازاي لونها الاسود ..
  غطى على كل الخانات ..
الحب ياسيدي في ايدها لعبة ..
شطرنج محدود الخانات ..
لافية وزير ولاعسكري ..
ولاحتى دبور بجناحات ..
مافيهوش الا انت وهي ..
وعقرب بيكح الساعات ..
خلاص مبقاش في مفر ..
اتغلبت ومن سكات ..
قتلت حصانك وانت واقف ..
بتقول خلاص مات اللي فات ..
حرقت ميدانك وانت واقف ..
بتسليها بجوز صاجات ..
افتكرت ان العواطف ..
ممكن في لحظة تحيي اللي مات ..
العواطف ..
محتاجة اتنين يحسوا بيها ..
وبتنهزم ..
لو واحد فيهم احساسة مات ..
المرة دي نجحت ياقلبي فعلا ..
تقول لنفسك .. كش مات

1996

نفس الملامح

نفس الملامح عليك آه ياوش ..
نفس الخطوط .. ماتغيرتش ..
كإن السنين .. ماتحركتش ..
وسايباك ولكن ..
وشوشنا ماسابتش ..

ده حتى ابتسامتك.. ماتعكرتش ..
وسألتك شفايفك ماتكلمتش ..
وردت عيونك ماترددتش ..
قالتلي الملامح يمكن تغش ..
لو القلب شايب ..
ملامحه ماشابتش ..
ماتعرفش سني يمكن عشان ..
عيونك شافتني ..
وروحك ماشافتش ..
على عقلي يمكن .. ماتعرفتش ..
أنا عمر قلبي غريب.. ماتحاولش ..
تعده بسنين فاتت أو مافاتتش ..
أنا يوم فرحي محسوب ولكن ..
سنين حزني أبداً ..
ماتتحسبش ..
ويومي معاها بسنين ولكن ..
ماتحسبش ثانيه .. ليها عيني ماشافتش ..
إنسى الملامح .. وانسى الوشوش ..
ده قلبي اللي عاش ..
ملامحي ماعاشتش

انا المصري

انا المصري
انا الساكن داخل قبري ..
وباقول قصري ..

انا الساكت .. وانا المسكوت ..
وانا المحطوط ..
في علبة قطرها انشين ..
وبارزع وشي في الحيطة ..
مانا بوشين ..
ووشي التاني ..
بامسح بيه تراب عرشين ..
آة والله ..
واحد ميت .. لكن عايش ..
وواحد عايش .. لكن حالف ..
نموت عايشين ..


أنا المصري ..
انا المربوط على خصري ..
حزام القهر ..
وباترقص ..
وباتقصقص ..
بأشلاء نصر ..
انا اللي باثور وباتحمس ..
يادوب م الظهر لحد العصر ..
خدوا الشجرة وانا المقطوع ..
من النوبة لمدينة نصر ..
انا الملطوع على الكوبري ..
على مايخصخصوا صبري ...
على ما يقصقصوا ريشي ..
وينحل كدبهم وبري ..
كلاب القصر ..

انا المصري.. 

 انا اللي دخلت في الدايره.. وورا ديلي 

فضلت أجري .. 

انا من دقني بافتلي.. 

ومن كابي يخاف ضلي..

وثوره تروح ويفضلي.. 

عسس ودقون.. 

بقوا الموضوع .. وانا الحشري.. .

انا المصري ..
انا اللي باشوف لكن عامل ..
ضعيف بصري ..

انا المضحوك على أمي ..
في فرح واحد ..
لاهو خالي ..
ولاحتى البعيد عمي ..
انا المبسوط بطول همي ..
انا المتبعترة روحي ..
بإيد روحي ..
وبازعق فيها "إتلمي" ..
انا اللي باطنطن .. وباتسلطن ..
وباتسرطن ..
ومتلوث .. ياكيس دمي ..

أنا المصري ..
انا الأهرام ونهر النيل ..
لكن ضايع ..في الهوى أثري ..

أنا العايش على كيفي ..
وكيفي مسروق ..
تقوللي ازاي .. ده تخريفي ..
انا العايش في تاريخي ..
وحاضري ويومي .. بطيخي ..
لكن أوعى .. أكيد صيفي ..
وفيلم الوكسة مأساتي ..
وتمثيلي .. وإخراجي .. وتأليفي ..
أنا خوفو بلا هرمه ..
أنا عنتر .. شايل زيفي ..

انا المصري ..
في كرتونة ..
عليها تكت .. "ساهل كسري"

انا الشخبطه .. واللخبطه ..
والعفرته ..والزئططه ..
والكلفته والهلفطه ..
أنا اللي عندي كل شىء
لكن نايم من غير غطا ..
انا اللي بابيع الغاز لناس ..
في دم أخويا مبلبطه ..
كنت العالي في عصر الوطا ..
دلوقتي لية !؟
عمايري عليا مبططه ..
وعباراتي مغوطه ..
والكلب حاطط في رقبتي طوق ..
ويعلى فوق ..
وأنا ..
رجليا في بعض مخبطة ..

طب حبه سكوت ..
ﻵ .. بعلو الصوت..
وعلى واحده ونص .. وربع ..
ورقم عشري..
أنا المتمصمص ..مص .. مصري
أنا المتخصخص ..خص .. خصري
أنا المتبصبص .. بص .. بصري
أنا المتعصعص ..عص ..عصري
أنا المتقصقص ..قص ..قصري
أنا المتنصنص ..نص .. نصري
انا المصري

انا المصري
انا الساكن داخل قبري ..
وباقول قصري ..
أنا المصري ..
وحزام القهر..
مربوط على خصري ..
انا المصري ..
انا اللي باشوف لكن عامل ..
ضعيف بصري ..
أنا المصري ..
انا الأهرام ونهر النيل ..
لكن ضايع ..في الهوى أثري ..
انا المصري ..
في كرتونة ..
عليها تكت .. "ساهل كسري"
انا المصري ..
وناديت لكن ..
  فضايا حصري..

دق الوتد

دق الوتد ..
و انصب خيام مالهاش عدد
ما تسيبش ارضك مهما كان
قلبك فى ارضك اتوجد
و مهما طال بك الزمان ..
اصمد زى ما غيرك صمد


و لو صهيون ..
ازداد جنون
و مسك فى ايده خريطة الكون ..
و على ارضك نوى و عند


اقف متين زى الشجر
افرد جذور و اطرح ثمر
و لو قدر و بغى و غــدر ..
رقبتك .. قبلها تتحصد


و مهما الشيطان كان له حليف
و نهب أرضك بطلان و زيف
و سرق قوتك حتى الرغيف
ليك رب برضه اسمه الصمد


و مهما بنى بحديد و طوب
خليك فى ارضك .. ازرع قلوب ..
فى ترابها اتعفر و دوب
و مسـيــــر بنــاه يصبح هـــدد
و دق الوتد .. ..

لسة بتتعوذ من ابليس

تفتكروا لسة ..
لما نخاف ..
أو يمسكنا الفكر ..
لما نتوة .. ولا نضيع ..
وننسى الشكر .. وننسى الذكر ..
لما نغلط .. ولانخطا ..
ولا نكون على وشك الكفر ..
لسة بنتعوذ من ابليس ..!؟

عمل اية ابليس !؟
قتل العزل ..!؟
قفل المعبر ..!؟
عمى أطفال بتفكر تكبر ..!؟
هتك العرض ..!؟
سرق الأرض ..!؟
كتم النبض ..!؟
قتل الحامل قبل ماتولد ..!؟
هدم البيت والمدرسة والمسجد ..!؟
حط البترول في الدبابة ..!؟
خد بالأحضان قتلة ديابة ..!؟
سرق الوطن .. ولا الزمن ..!؟
سم البدن ..!؟
ارتشى ..!؟
نطق بهتان ولا اختشى ..!؟
ماقدرش يقاطع
منتج تمنه ..
سيف لرقاب أخوانة كان قاطع ..!؟
شاف المسعور ..
بيموت أخوة ..
وقف في طابور واستنى الدور ..!؟

أعوذ بالحكم ..
من كل من حكم ثماً ظلم ..
من كل من خان القلم ..
من كل من للنور ردم ..
أو عدم ..
حق الحياة ..
أعوذ بالجبار ..
من كل جبار ..
مافرقش لحظة ..
عن المغول ولا التتار ..

اعوذ باللة مني ..
ومن نفسي ..
من صمتي ..
ومن خوفي ..
ومن همسي ..
من دم العجز في شراييني ..
من دمع القهر اللي مالييني ..

اعوذ باللة
م اللي احنا فية
واللي احنا بية ..
قعد الشيطان ..
خلاص مبقاش في لازمة لية ..

الا صحيح ..
لسة بتتعوذ من ابليس ..!؟