احلام..

يوم السفر..
والدي قاللي..
قول يارب..
تقلت حمولك..
وياه بيتخفوا..
وحرص لنفسك..
أماره هي..
وشياطينها بيتخفوا..
وامي قالتلي تقل هدومك..
اي حاجتين فوق بعض..
بيدفوا..
وبرد المشاعر..
شوفله ونيس..
ياخدك على كفه..
دي الغربه والوحده..
جناحات لدور.. ياما..
دمع العينين صفوا..
وادي السنين دارت..
والمركبه اختارت..
100 شط تفارقهم..
وكل احلامي..
من عقلي لخالقهم..
في الصمت يتزفوا..
انجزت ياما كتير..
احلام كتير غيري..
وحلمي اللي ماسكنتوش..
بادفع ايجاره رتوش..
على رسمه لمصيري..
ممضيه " أنا مسيري"
اتغطى انا بحلمين..
فوق بعض..
بيدفوا..

احمد عبدالسلام
مارس 2018