بيمضي العمر..
وبتعدي علينا ساعات..
نحس التوهه واخدانا..
نحس زمانا كسرنا.. وقسانا..
نحس القطر عدى.. وفات..
بتجني الوحده أزهارنا..
وبتغير في جوانا.. ومظهرنا
عشان زرع المحبه بار..
في ارض عصيه عصيانه..
بتشرب.. تصحى نسيانه..
سقاها مين..
وتتذكر عطش مره..
وتسلى غمر عمره سنين..
ويوم ورا يوم..
بيعدي الهوا سهوه..
وتخشى قلوبنا تجري وراه..
لاتستهوى..
وتتكسر فيها الزهوه..
بمكانها فين..
ويمضي العمر..
ويبقى ساعات..
لافيها راحه ولا روحه..
ولاجايات..
خلاص القطر عدى وفات..
ليست هناك تعليقات:
إرسال تعليق