أرض الغلابة .. أرض العجايب
فيها لاانت حاضر و لا انت غايب
فيها ياخدوا قمحك و يمحوا ملامحك
يهينوك و تدعى سيدك يسامحك
م الغلب تلقى .. شبابها شايب
حاضر يا سيدى .. أمرك يا سيدنا
ماانت ابن تسعة و هو ابن سته
تديله عمرك حته حته
و تفضل
يا غلبى العمر و انت
م السيد ده هايب و السيد ده هايب
يا أرض الغلابه .. نصيبك نسيبك
بنجرى و نهرب .. من ظلم سيدك
ضحكت و قالت .. روح لو هتقدر
فى البحر تزرع و تحصد يا خايب
دى أرض الغلابة.. أرض العجايب
7/95
7/95
ليست هناك تعليقات:
إرسال تعليق