وجهة نظر

ليه فاكر وجهه نظرك..  هي بس اللي صحيحه..
لو تلبس جزمة غيرك.. كله هيقلب في عينيك..
فكر في دوافع غيرك.. مثلا في ازازه الريحه..
انت بتتعطر بيها..  وهي بتتف عليك.. 😁

ناس

بتعرف ناس
بتحتاجلك..
فتندهلك..
وتشتاقلك..
فتفرحلك وتحزنلك..
فترسم نفسها أهلك..
لحد مايوم..
ماتحتاجلكش..

وتعرف ناس
تكون أهلك..
فتفرحلك و تحزنلك
وتشتاقلك
فتندهلك..
لحد مايوم ماتحتاجلك
فمتقابلكش..

وتعرف ناس
ماهياش ناس..
لاهي بتحس.. ولا بتحتاس..
بتاخد حظها منك..
وترمي شكرها بمداس
لحد مايوم..
(أكيد في يوم).. ماتظهرلكش..

ومهما عرفت..
فماعرفتش..
لأن الناس ماهيش انت..
وساعات انت ..
ماتشبهلكش..