لو ما قدرناش

لو ما قدرناش ..
نضحك و فى وسط الضلمه
نشد الشمس تهد العتمة ..
يبقى ما تسواش

لو ما قدرناش ..
نهرب من الحزن و نفرد غصن ..
فى شجر الفرح يداوى الجرح
يبقى ما تسواش

لو ما قدرناش ..
نسبق عصفور على أرض النور
و ندور قد الأرض ما بتدور ..
يبقى ما تسواش ..

دى الدنيا فى ثانية بتنسانا ..
و فى لحظة تغرق مرسانا
و بنجرى وراها و لا حـسٌانا
و نتمنى رضاها و لا ترضاش

لو عا الأفراح يوم نغصبها ..
هنلقى الأنوار ماليه دروبها
و يزقزق طير و تشقشق شمس
و هنمسك فيها و ما نسيبهاش ..

و لو ما قدرناش ..
يبقى ما تسواش